2.1

Mirësitë e leximit të sures el-Huxhurat (1)

Spread the love

Hyrje

Profeti Muhammed (paqja qoftë mbi të dhe familjen e tij) ka thënë: “Ai që lexon suren el-Huxhurat, do t’i jepen shpërblim dhjetë të mira me numrin e njerëzve që besuan Allahun dhe atyre që e mohuan”. Është e natyrshme se i gjithë ky shpërblim që është me numrin e adhuruesve dhe joadhuruesve, është në atë formë, që kur të shikojmë të dy grupet, të mendohemi thellë dhe të ndjekim rrugën e adhuruesve e të largohemi nga rruga e mëkatarëve dhe mohuesve.

“El-Huxhurat” është shumësi i fjalës “huxhretu” dhe këtu tregon për shtëpitë e grave të Profetit që ndodheshin pranë xhamisë. Origjina e fjalës “huxhretu” është tek fjala “el-haxher” (gur) sipas rrënjës “el-haxhr” që do të thotë “pengesë” sepse gurët ndalojnë hyrjen e të tjerëve në të ndaluarat e jetës së njeriut.

Pesë ajetet e para të sures el-Huxhurat arabisht

يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّـهِ وَرَسُولِهِ ۖ وَاتَّقُوا اللَّـهَ ۚ إِنَّ اللَّـهَ سَمِيعٌ عَلِيمٌ ١

يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَن تَحْبَطَ أَعْمَالُكُمْ وَأَنتُمْ لَا تَشْعُرُونَ ٢

إِنَّ الَّذِينَ يَغُضُّونَ أَصْوَاتَهُمْ عِندَ رَسُولِ اللَّـهِ أُولَـٰئِكَ الَّذِينَ امْتَحَنَ اللَّـهُ قُلُوبَهُمْ لِلتَّقْوَىٰ ۚ لَهُم مَّغْفِرَةٌ وَأَجْرٌ عَظِيمٌ ٣

إِنَّ الَّذِينَ يُنَادُونَكَ مِن وَرَاءِ الْحُجُرَاتِ أَكْثَرُهُمْ لَا يَعْقِلُونَ ٤

وَلَوْ أَنَّهُمْ صَبَرُوا حَتَّىٰ تَخْرُجَ إِلَيْهِمْ لَكَانَ خَيْرًا لَّهُمْ ۚ وَاللَّـهُ غَفُورٌ رَّحِيمٌ ٥

Përkthimi i pesë ajeteve të para të sures el-Huxhurat

  1. O ju që keni besuar! Mos nxitoni para (urdhrit të) Allahut dhe të Dërguarit të Tij dhe kijeni frikë Allahun! Vërtet, Allahu dëgjon gjithçka dhe është i Gjithëdijshëm”.
  2. O ju që keni besuar! Mos e ngrini zërin tuaj mbi zërin e Profetit dhe mos i flisni atij me zë të lartë, siç bëni me njëri-tjetrin, në mënyrë që të mos ju humbin veprat tuaja pa e ndier ju fare”.
  3. Vërtet, ata që ulin zërin në prani të të Dërguarit të Allahut janë njerëzit, zemrat e të cilëve Allahu i ka kalitur për besim e përkushtim. Për ata ka falje dhe shpërblim të madh”.
  4. Vërtet, ata që të thërrasin ty (o Muhamed) me zë të lartë nga jashtë dhomave të tua, shumica e tyre nuk marrin vesh”.
  5. E sikur të duronin derisa ti të dilje jashtë tek ata, do të ishte më mirë për ata. Por Allahu është Falës dhe Mëshirues”.

Vazhdon

(Revista “Vlera”, nr. 16, shtator/tetor 2015, fq. 23)




There are no comments

Add yours