4.1

QERBELAJA – Pjesë nga kënga XVI (6)

Spread the love

(Vazhdim)

Kënga XVI

Ajy Imam’ i vërtetë,
burri trim pa gjë të metë,
ishte veshurë si pylli,
edhe ndrinte posi ylli.

Armëtë i vetëtinin,
armikëvet frik’ u shtinin,
mburonjën’ e Hamzajt mori
dhe kordhën’ e t’et përdori,
qëndroj kundrejt ushtërisë
s’armikut të Perëndisë.

Andej ish Jezitërija
këtej vetë Perëndija,
qëndroj kundrejt ushtërisë
nder’ i gjithë njerëzisë.

Pa u tha: O ju të parë,
dhe ju gjithë ushtëtarë,
që më shkruat’ e më prutë,
pasdaj luftënë më zutë.

Gjithë punët ju i prishtë,
këtu mua ju më grishtë,
tani më rat’ e më vratë,
njeri gjall nukë më latë!

U thashë, që të më lini,
më qafë të mos më bini,
pa të dal e të mar dhenë,
edhe ju të kini mbrenë!

Të ikënj nga Arabija,
nga vëndi e nga shtëpija
dhe këtë nukë ma dhatë,
po më pshuallt’ e s’më latë.

Ç’faj u paç e ç’u kam bërë
q’u bët’ armikë të tërë!
S’kini turp të turpërohi?
Edhe tani po s’pendohi?

S’më dinj’ i kujt bir jam unë?
Ç’është kjo pun’ e përdhunë?
E harruatë Alinë?
E latë pas Perëndinë?

Më s’e doni Muhamenë?
Të bijënë Fatimenë?
Nuk’ ësht ajo mëma ime?
Pse s’pattë turp as thërrime
gjyshi im vall’ u vu besë?
A i at’ i Mavijesë?

Turpëruatë dhe fenë,
dhe kombin’ e mëmëdhenë,
edhe besënë e latë,
n’arrati të madhe ratë.

Latë edhe Perëndinë,
edhe Muhamet Alinë,
bëtë besë djallëzitë,
edhe gjithë ligësitë.

U ndatë nga njerëzija,
e nga gjithë mirësija!
Harruatë Perëndinë!
bëtë zot Jezitërinë!

Lat’ Alin’ e Muhamenë,
edhe zutë Mavijenë,
dhe t’an e tija Syfjanë,
edhe Jezitn’ e Mervanë,
mos s’na shat’ e mos s’na vratë,
gjë pa bërë nukë latë.

(Vazhdon)

Naim Frashëri, “Qerbelaja”, botues: Fondacioni Kulturor “Saadi Shirazi”, Tiranë 2011, fq. 210-212.




There are 14 comments

Add yours
  1. Johnathan Dyce

    I simply could not depart your website before suggesting that I actually loved the usual information an individual provide for your guests? Is going to be again steadily to check out new posts

  2. contracne en venta libre en Suiza

    Heya this is somewhat of off topic but I was wanting to know if blogs
    use WYSIWYG editors or if you have to manually code with HTML.
    I’m starting a blog soon but have no coding skills so I wanted
    to get advice from someone with experience. Any help would be greatly appreciated!

  3. dicyclomine 20 mg sans ordonnance en Belgique

    Great site you have here but I was wondering if you knew of any message
    boards that cover the same topics talked about in this article?
    I’d really love to be a part of group where I can get feedback
    from other knowledgeable people that share the same interest.
    If you have any recommendations, please let me know.
    Bless you!


Post a new comment