download

DASHI QË U BË QEN

Spread the love

Një burrë kishte një dash dhe po e çonte në pazar për ta shitur. Atë e panë katër hajdutë, të cilët ranë dakord që t’ja vjedhin dashin me një mënyrë të zgjuar. Ata vendosën që të uleshin përgjatë rrugës së pazarit. I pari u ul në fillim të rrugës së pazarit. I dyti u ul në çerekun e rrugës. I treti në gjysmën e rrugës dhe i katërti afër fundit të rrugës së pazarit.
Burri me dashin kaloi pranë hajdutit të parë. E përshëndeti dhe hajduti ia ktheu përshëndetjen. Më pas hajduti i tha: Përse e ke lidh qenin pas vetes dhe po e tërheq?! Burri e shikoi dashin dhe i tha hajdutit: Nuk është qen është dash dhe po shkoj ta shes në pazar dhe vazhdoi rrugën.
Pasi përshkoi një pjesë të rrugës u takua me hajdutin e dytë, i cili i tha: Përse e ke lidh qenin pas vetes dhe po e tërheq?! Burri i tha: Ky është dash dhe unë po shkoj ta shes në pazar. Mirëpo dyshimi filloi të ndihet në zemrën e tij. Ai filloi ta prekë dashin që të sigurohej se a është qen siç dëgjoi nga ai burri apo është dash ashtu siç besonte ai vetë?!!
Pasi përshkoi një pjesë rruge u takua me hajdutin e tretë i cili itha njësoj si dy të parët: Përse e ke lidh qenin pas vetes dhe po e tërheq? I zoti i dashit u habit dhe dyshimi iu shtua më shumë. Ai e shikoi hajdutin dhe nuk i foli, sepse filloi të bindet se pas tij kishte qen dhe jo dash.
Nga fundi i rrugës u takua me hajdutin e katërt i cili e përshëndeti të zotin e dashit dhe menjëherë i tha: Përse e ke lidh qenin pas vetes dhe po e tërheq?!!

Këtu burri u sigura se po tërhiqte qen dhe jo dash, sepse nuk është e logjikshme që të katër personat të jenë gënjeshtarë. Më pas iu drejtua hajdutit dhe i tha: Unë isha me nxitim dhe kujtova se ky qeni është dashi dhe e lidha pas vetes për ta shitur në pazar. Pastaj ai e zgjidhi litarin e dashit dhe e la të lirë. Me shpejtësi u kthye në shtëpi dhe filloi të kërkojë dashin e tij. Kështu, hajdutët morën dashin dhe u larguan të gëzuar.! Ndërkohë që dashi iku me hajdutët, qeni fjeti në mendjen e të zotit të dashit!!!
Kështu ndodh edhe ndryshimi i të vërtetave prej mjeshtarve të falsifikimit e të mashtrimit nëpërmjet mediave dhe mjeteve të informacionit në mbarë botën.

Është detyrë e jona që bindjen tonë, kulturën tonë dhe njohuritë tona mos i lënë në duart e hajdutëve, veçanërisht hajdutët e mendjeve dhe mendimeve./shoqata flladi/




There are 3 comments

Add yours
  1. Escort in Toronto

    The core of your writing while appearing reasonable initially, did not really sit perfectly with me personally after some time. Someplace within the sentences you managed to make me a believer unfortunately just for a very short while. I however have a problem with your leaps in logic and one would do nicely to help fill in those breaks. If you actually can accomplish that, I will definitely be amazed.


Post a new comment