Fatima Zehra (a.s.) – Vajza e Profetit dhe simbol i pastërtisë dhe rezistencës në Islam

“Fatima është ajo që Islami i sotëm ia ofron botës si model gruaje—aktive, e mençur, e moralshme, e angazhuar në familje dhe në shoqëri.”  – Ali Sheriati.

Një nga ngjarjet më të rëndësishme në kalendarin fetar islam në mbarë botën janë “Ditët Fatimide” (Ayyām Fāṭimiyyah)—ditë meditimi, dhimbjeje dhe reflektimi mbi jetën, virtytet dhe martirizimin e Fatima Zëmra-s (a.s.), vajzës së vetme të Profetit Muhamed (pqmtf).
Këto ditë janë një mundësi e çmuar për t’u kthyer drejt figurës së gruas më të ndritur në historinë islame, e cila mbetet simbol i pastërtisë, e vërtetësisë, rezistencës dhe dinjitetit njerëzor.

Fatima Zehra – “e Pastërta” dhe “Zonja e Grave të Parajsës”

Fatima (pqmt), e quajtur nga Profeti “ Ummu Ebīhā” – Nëna e Babait të saj, për shkak të kujdesit të jashtëzakonshëm që ajo i tregoi atij, nderohet nga të gjithë myslimanët si:

سَيِّدَةُ نِسَاءِ أَهْلِ الْجَنَّةِ

“Zonja e Grave të Parajsës”
(Hadith sahih, transmetuar nga Bukhari dhe Muslim)

Ajo nuk ishte vetëm vajza e Profetit. Ajo ishte pasqyra shpirtërore e tij, personi që e shoqëroi në ditët më të vështira të shpalljes, dhe figura që shndërroi dhimbjen, sakrificën dhe durimin në një model universal moral.

Ajeti i Pastërtisë (Ayetu’t-Tathir) – Kurani e përshkruan Ehlul Bejtin

إِنَّمَا يُرِيدُ ٱللَّهُ لِيُذْهِبَ عَنكُمُ ٱلرِّجْسَ أَهْلَ ٱلْبَيْتِ وَيُطَهِّرَكُمْ تَطْهِيرًۭا

“Allahu dëshiron vetëm t’ju largojë papastërtinë, o Ehli Bejt, dhe t’ju pastrojë me një pastërti të plotë.”
(Kur’an, 33:33)

Tradita profetike e komenton këtë ajet si të shpallur për:

• Profetin Muhamed (s.a.v.s.)
• Fatimen (a.s.)
• Aliun (a.s.)
• Hasanin (a.s.)
• Husejnin (a.s.)

Këta njihen si “Pesë të Pastërtit” (Ahlul-Kisa)—të mbështjellë së bashku nën mantel nga Profeti për t’i dalluar si familja e tij e zgjedhur.

Roli i Fatimes në historinë e Islamit

Pavarësisht jetëshkurtësisë së saj, ajo la gjurmë të pakrahasueshme. Ajo ishte:

• grua,
• nënë,
• edukatore,
• bashkëshorte e Aliut,
• dhe zëri më i fortë i të drejtës pas vdekjes së Profetit.

Myslimanët besojnë se Fatima Zahra u martirizua si pasojë e presionit, dhimbjes shpirtërore dhe padrejtësive që përjetoi pas ndarjes nga jeta të të Dërguarit. Edhe pse zëri i saj u hesht fizikisht, mesazhi i saj për të drejtat, për drejtësinë dhe për ruajtjen e trashëgimisë së Profetit mbeti i pavdekshëm.

Ajeti i Dritës – Interpretim i lidhur me Fatimen dhe bijtë e saj

ٱللَّهُ نُورُ ٱلسَّمَـٰوَٟتِ وَٱلْأَرْضِ ۚ مَثَلُ نُورِهِۦ كَمِشْكَوٰةٍ فِيهَا مِصْبَاحٌ…

“Allahu është drita e qiejve dhe e tokës…”
(Kur’an, 24:35)

Komentimi mistik i këtij ajeti e sheh:

• Nishën (mishkāt) – si Fatimen (a.s.), vendin e dritës
• Kristalin (zuĵaxah) – si Hasanin (a.s.)
• Yllin e shndritshëm – si Husejnin (a.s.), udhërrëfyesi i njerëzimit me sakrificën e tij në Karbala

Në këtë interpretim, Fatima është burimi i dritës, nëna e prijësve të udhëzimit.

---

Figura e Fatimes në kulturën islame

Për Fatimen janë krijuar:

• poezi,
• elegji,
• vepra mistike,
• dhe qindra libra në gjuhë të ndryshme.

Emri i saj është simbol i mbrojtjes dhe lutjes.
I famshëm është edhe simboli i njohur:

“Dora e Fatimes (Jedi’l-Fatimeh)”

një amulet i përdorur në shumë vende islame si mbrojtje nga syri i keq.

Fatimja në studimet moderne

Studiues si: Sayyid Jafar Shahidi, Prof. Massimo Campanini, Ali Shariati e kanë cilësuar Fatimen si figurën më të fuqishme femërore në Islam, një grua që veproi në xhami, në shoqëri, në edukim, në familje dhe në mbrojtjen e së vërtetës.

Ali Shariati thotë:
“Fatima është ajo që Islami i sotëm ia ofron botës si model gruaje—aktive, e mençur, e moralshme, e angazhuar në familje dhe në shoqëri.”

Zejnebja – vazhduese e misionit të Fatimes

Edhe pse Zejnebja nuk përfshihet në “Pesë të Pastërtit”, ajo nderohet thellësisht sepse ishte ajo që mbajti gjallë mesazhin e Husejnit pas tragjedisë së Karbalasë. Në  Damask ndodhet Mausoleumi  Zonjës Zejnebit, një vend i shenjtë i frekuentuar nga miliona besimtarë.

Fatima Zahra (a.s.) nuk është vetëm figurë historike. Ajo është model i: dinjitetit, devotshmërisë, drejtësisë, qëndresës, dhe pastërtisë së brendshme. Ajo është dritë, nënë, simbol i të drejtës, dhe zëri i përjetshëm i Islamit të Profetit Muhamed s.a.a.

Përgatiti Redaksia Vlera